قصيده جميلة للشاعر خالد بن مدعث
ابداع منقطع النضير
...................................
البرق لعيون المولع مناديب
والبيد لقدام الخلاوي ركايب
وارواحنا لهموم بقعا معازيب
ومعزب الارواح قبر ونصايب
سبحان من يخفي عن العالم الغيب
وخلا الوعد من نازع الروح غايب
كلً يسوق الرجل ويروح ويجيب
احدً يجيك بسلم واحدً نهايب
واحدً يجيب الفود والعز والطيب
واحدً يذله كل ما كان جايب
من لا ستر وجهه عن الذل والعيب
ما عاد يلقى لذل وجهه طبايب
ومن لا حمى وجهه قبل طلعت الشيب
محدن يعوظه وجه لا صار شايب
ولا صار ذكرك فوق روس المراقيب
خلك على دربك ترى الدرب صايب
تصير بعيون النشاما كما الذيب
وفعيون عدوانك عطيب الظرايب
موت الفتى با المرهفات المحاديب
اخير من حيً مع الناس خايب
موتً تباكا له عيون الاجانيب
ولا عيشتً تدعي عليها القرايب
ولي نفوسً ما تروم المواجيب
ولي يدينن ما تسد النوايب
عذر الردي ما كل من يجهد مصيب
عود الحماطة كاسرته الهبايب
ما يخلف الهقوه طوال الاشانيب
صحيح من قال المراجل وهايب
غير النبي محدً بليا عذاريب
وكلً على الثاني سيوله جذايب
ليه؟ الحسد والغل والشك والريب
ليه؟ القطيعه واندلاع الحرايب
يولد الاحقاد شذب العراقيب
والغل سمً فا المعاليق ذايب
شرارتً من ملحقين المشاهيب
من ناشته خلة ضلوعه حطايب
يومون با الامواس مثل القصاصيب
ذنبً يوقف منه قطر السحايب
ياعل من يفرح بشيل المشاعيب
ويصير في فرقا الرفاقه سبايب
تقطع عراويه من الرزق والصيب
ويموت ما تنظر عيونه حبايب
وتصف النفوس ويركدً المشاريب
لابه ذنب عقرب ولابه نشايب
هذا بعض ما علمتنا التجاريب
اللي من الايام جتني جلايب
لا كامل الا وجه من يعلم الغيب
ولا رابح الا اللي من الذنب تايب
الخميس سبتمبر 17, 2020 4:55 am من طرف برادات وشاحنات
» شقق للبيع....
السبت مارس 22, 2014 8:31 am من طرف راجية الرحمة
» دهانات -اصباغ - بهيات مضيئة 2014
الأربعاء فبراير 12, 2014 2:03 am من طرف ماجك لايت
» فلل للبيع في مكة
الأحد يناير 26, 2014 12:06 pm من طرف راجية الرحمة
» فلل للبيع....
الأحد يناير 26, 2014 12:05 pm من طرف راجية الرحمة
» اعـــوق يابعض الرجاجيل ياعـــوق !!!
الإثنين أغسطس 26, 2013 6:29 am من طرف زيزو
» قصيدة للشاعرالمرحوم / هتلان بن عبدالله الدوسري
الأحد أبريل 07, 2013 12:35 am من طرف زيزو
» سيول ستارة بالافلاج يوم الخميس 15 / 1 / 1434 هـ
الجمعة ديسمبر 14, 2012 6:45 pm من طرف صمت
» قصيدة .. عساه يمطر على الأفـلاج والـوادي
الأحد أبريل 08, 2012 2:18 pm من طرف زيزو