مرثيه في الشيخ عبدالله بن مقنيص ..

في يوم الخميس ليلة الجمعه الموافق 13/ 8 / 1432هـ وآفت المنيه الشيخ / عبدالله بن مقنيص رحمه الله
فكآنت هذه المرثيه لـ الأخ / سعد عبدالله القباني ...


في ليلة الجمعه وبين العشاوين
جآني اتصال يوجع القلب بالحيل

يقول في المضمون أنت ياسعد وين
قلت الخبر ؟ قال الخبر يشبه الليل

جدك تراه اليوم يطلبك ثنتين
إنك تبيحه وتّرحم بتهليل

هلت دموع القلب مع دمعة العين
وضآقت عليّ كل الستاره مع الغيل

واظلمّت الدنيا وصار الحلو شين
وقمت أذكر الله شايلن الحمل شيل

وأنا حسبت الحزن فيني ولدنين
أثره غشى كل الأماكن كما السيل

وعم الحزن كل الذي يعرفه زين
حتى شعيب المنبعج ووعل ووعيل

حزنوا على فرقى حريب المعادين
في طلعته دايم عليهم كما سهيل

يابو سعد والله لو هي دواوين
ماتنصفك بالشعر كتبٍ ولا قيل

في مجلسه تلقى قرومٍ معاوين
والعود الأزرق يتبعه بنٍ وهيل

بوعدك ياجدي وأنا أدري الوعد دين
لدعي لك المولى يزيد الوزن كيل

ويغفر لك الرحمن ويدخلك علين
لأنك تخاف الله صدوق بلا ميل

وصلاة ربي عِدّ ما ذّرّفت عين
على النبي وعداد ماقد مشى سيل




رحم الله الشيخ عبدالله بن مقنيص واسكنه فسيح جنآته اللهم آمييين ..